Fyrir jólin hefur Birtingahúsið haft þann sið að styrkja gott málefni. Kemur það í stað jólakorta eða gjafa til samstarfsaðila. Engin breyting á þessu fyrirkomulagi enda mikil kátína hjá öllum með það. Í ár styður Birtingahúsið forvarnarverkefnið Útmeð'a sem er samstarfsverkefni Geðhjálpar og Hjálparsíma Rauða krossins gegn sjálfsvígum ungra karlmanna.

Markmið verkefnisins er að stuðla að bættri geðheilsu meðal almennings með því að hvetja fólk, með sérstakri áherslu á ungt fólk og karlmenn, til að tjá sig um andlega líðan sína og leita sér faglegrar aðstoðar þegar á þarf að halda. Sjá nánar um verkefnið á www.utmeda.is. Einnig er vert að benda á heimasíðu Geðhjálpar og Rauða krossins.

Styrkurinn verður nýttur í næsta áfanga verkefnisins en þar verður reynt að höfða sérstaklega til ungmenna.  Á myndinni er Auður Kristín Þorgeirsdóttir sem afhenti styrkinn fyrir hönd Birtingahússins ásamt Önnu Gunnhildi Ólafsdóttur frá Geðhjálp og og Hönnu Ólafsdóttur frá Hjálparsíma Rauða krossins.

Birtingahúsið sendir öllum hlýjar og gleðilegar jólakveðjur með von um farsæld á nýju ári.

 

Kemur vefsíðan þín í niðurstöður leitarvéla eða ertu ósýnilegur?

Bestun fyrir leitarvélar snýst um að auka líkurnar á að vefsíðan þín birtist ofarlega í almennum leitarniðurstöðum leitarvéla (organic search). Stór hluti  fólks leitar að upplýsingum um vörur og þjónustu á netinu og sýnileiki á leitarvélum er öllum fyrirtækjum mikilvægur.

Hafðu samband við okkur í síma 569 3800 og við aðstoðum.

 

Birtingahúsið ehf - Auglýsingabirtingar og markaðsráðgjöf

 

Vefur unninn af Hugríki.is