Samkvæmt úttekt Forbes á verðmætustu vörumerkjum í heimi er Apple áfram í efsta sætinu. Verðmetið á 182,8 milljarða ($), sem er um 8% aukning frá fyrra ári. Þegar listinn, sem nær yfir 100 stærstu, er skoðaður kennir ýmissa grasa. Tíu efstu merkin aukast öll í verðmæti á milli ára, flest verulega. Þrjú vörumerki fara yfir 100 milljarða dollara markið. Google, Microsoft og auðvitað Apple.

Aðilar í tæknigeiranum eru mjög áberandi. Virði þeirra vaxið mikið en fimm efstu á listanum tilheyra þeim flokki.  Eitt af hverjum fimm vörumerkjum á listanum í heild heyrir undir tæknigeirann. Langflest merkin eru einnig heitin á fyrirtækjunum sem þau tilheyra. Meðal undantekninga eru Pampers (P&G), Zara (Inditex) og Marlboro (Philip Morris). Þess má geta að Mercedes-Benz (Daimler) var hæst af þessum undantekningum og situr í 13. sæti. Tvö stór og alþjóðlega þekkt vörumerki hófu starfsemi á Íslandi á síðasta ári, eins og flestir muna. Bæði merkin í smásölugeiranum. H&M lendir í 47. sæti listans og Costco númer 86.



Það má velta ýmsu öðru upp, skoða fleiri athyglisverða þætti.  Til dæmis hverjir eru stærstu auglýsendurnir í þessum hópi.  L'Oreal ver um 8 milljörðum dala í auglýsingar sinna vörumerkja, P&G 7,1 milljörðum og Amazon 6,3. Þetta eru þrír stærstu auglýsendurnir af þeim aðilum sem opinbera auglýsingafjárfestingar sínar. Ekki fæst uppgefið auglýsingafjármagn Apple en af efstu tíu þá auglýsir Amazon mest, þar á eftir Google og síðan Samsung. Auglýsingahlutfall Amazon er 3,7% af tekjum, Google 5,2% og Samsung 2,2%.

Svo getur verið skemmtilegt að skoða hver þróunin hefur verið en þessi listi hefur tekið talsverðum breytingum og það á ekki svo löngum tíma. Apple er búið að vera á toppnum síðustu árin, en árið 2010 var röðin svona á efstu tíu: Apple (#1), Microsoft, Coca-Cola, IBM, Google, McDonald´s, General Electric (GE), Marlboro, Intel og Nokia (#10). 

Hugi Sævarsson

Samfélagsmiðlar er vettvangur þar sem fyrirtæki geta átt samtal við neytendur, heyrt milliliðalaust frá þeim hvað við getum gert betur svo þeir verði ánægðari með vörurnar og þjónustuna okkar.

Samfélagsmiðlar eru vettvangur lærdóms þar sem fólk getur aflað sér þekkingar, lært hvert af öðru og deilt hvert með öðru.

icon-twitter    icon-facebook    Google+

 

Birtingahúsið ehf - Auglýsingabirtingar og markaðsráðgjöf

 

Vefur unninn af Hugríki.is