Birtingahúsið var í liðinni viku heiðrað af CreditInfo sem eitt af framúrskarandi fyrirtækjum síðastliðins árs. Það staðfestir ítarleg úttekt á öllum skráðum fyrirtækjum landsins í Hlutafélagaskrá.

Ríflega 32.000 félög eru þar skráð en aðeins um 1% þeirra uppfylla þau ströngu skilyrði sem þurfa að vera fyrir hendi til að hljóta útnefninguna.

Vottun sem þessi er þekkt víða erlendis, og eru skilyrðin þá yfirleitt ekki jafn ströng. Hér á landi er meðal annars lagt til grundvallar að minna en 0,5% líkur séu á alvarlegum vanskilum, rekstrarafgangur sé jákvæður þrjú ár í röð og eiginfjárstaða 20% eða hærri síðastliðin þrjú ár.

Þess má geta að félagið hlaut einnig þessa viðurkenningu í fyrra og er eina birtingafyrirtækið á listanum yfir framúrskarandi félög í ár.

Nánari upplýsingar um málið og greininguna má finna á heimasíðu CreditInfo, www.creditinfo.is.

Á myndinni má sjá Huga Sævarsson, framkvæmdastjóra Birtingahússins, taka við viðurkenningunni frá Stefáni B. Önundarsyni fulltrúa CreditInfo.


 
 

Hafðu samband

Staðsetning

Laugavegi 174, 3. hæð, 105 Reykjavík

Tölvupóstur

birting@birtingahusid.is

Sími

+354-569-3800